तारक मंत्र

नि: शंक हो निर्भय हो मना रे
प्रचंड स्वामीबळ पाठीशी रे
अतर्क्य अवधुत हे स्मरणगामी
अशक्य ही शक्य करतील स्वामी

जिथे स्वामीपाय तिथे न्युन काय
स्वये भक्त प्रारब्ध घडवी ही माय
आज्ञेविन काळ ना नेई त्याला
परलोकीही ना भिती तयाला

उगाची भितोसी भय हे पळु दे
जवळी उभी स्वामी शक्ती कळु दे
जगी जन्ममृत्यु असे खेळ ज्यांचा
नको घाबरु तु असे बाळ त्यांचा

खरा होई जागा श्रद्धेसहीत
कसा होशी त्याविण तु स्वामीभक्त
कितीदा दिला बोल त्यांनीच हात
नको डगमगु स्वामी देतील साथ

विभुती नमन नाम ध्यानादी तीर्थ
स्वामीच ह्या पंचप्राणामृतात
हे तीर्थ घे आठवी रे प्रचिती
न सोडी कदा स्वामी ज्या घेई हाती

सिद्धमंगल स्तोत्र

श्रीसिद्धमङ्गलस्तोत्रम् 
श्रीमदनन्त श्रीविभूषित अप्पललक्ष्मीनरसिंहराज ।
जय विजयी भव दिग्विजयी भव श्रीमदखण्ड श्रीविजयी भव ॥ १॥

श्रीविद्याधरी राधासुरेखा श्रीराखीधर श्रीपाद ।
जय विजयी भव दिग्विजयी भव श्रीमदखण्ड श्रीविजयी भव ॥ २॥

माता सुमती वात्सल्यामृत परिपोषित जय श्रीपाद ।
जय विजयी भव दिग्विजयी भव श्रीमदखण्ड श्रीविजयी भव ॥ ३॥

सत्यऋषिश्वर दुहितानन्दन बापनार्यनुत श्रीचरण ।
जय विजयी भव दिग्विजयी भव श्रीमदखण्ड श्रीविजयी भव ॥ ४॥

सवितृकाठकचयनपुण्यफल भारद्वाजऋषिगोत्रसम्भव ।
जय विजयी भव दिग्विजयी भव श्रीमदखण्ड श्रीविजयी भव ॥ ५॥

दो चौपाती देव लक्ष्मिगणसङ्ख्याबोधित श्रीचरण ।
जय विजयी भव दिग्विजयी भव श्रीमदखण्ड श्रीविजयी भव ॥ ६॥

पुण्यरूपिणी राजमाम्बसुतगर्भपुण्यफलसञ्जात ।
जय विजयी भव दिग्विजयी भव श्रीमदखण्ड श्रीविजयी भव ॥ ७॥

सुमतीनन्दन नरहरीनन्दन दत्तदेव प्रभु श्रीपाद ।
जय विजयी भव दिग्विजयी भव श्रीमदखण्ड श्रीविजयी भव ॥ ८॥

पीठिकापुर-नित्यविहारा मधुमतीदत्ता मङ्गलरूपा ।
जय विजयी भव दिग्विजयी भव श्रीमदखण्ड श्रीविजयी भव ॥ ९॥

इति श्रीसिद्धमङ्गलस्तोत्रं सम्पूर्णम् ।

गणपती स्तोत्र ( मराठी अनुवाद )

गणपती स्तोत्र ( मराठी अनुवाद )

साष्टांग नमन हे माझे गौरीपुत्र विनायका | भक्तिने स्मरतां नित्य आयु:कामार्थ साधती ||१||

प्रथम नाव वक्रतुंड दुसरे एकदंत तें | तीसरेकृष्णपिंगाक्ष चवथे गजवक्त्र तें ||२||

पाचवेश्रीलंबोदर सहावे विकट नाव तें | सातवेविघ्नाराजेंद्र आठवे धुम्रवर्ण तें ||३||

नववेश्रीभालाचंद्र दहावे श्रीविनायक | अकरावेगणपति बारावे श्रीगजानन ||४||

देवनावे अशीबारा तीनसंध्या म्हणे नर | विघ्नाभिती नसेत्याला प्रभो ! तू सर्वसिद्धिद ||५||

विद्यार्थ्यालामिळे विद्या धनार्थ्याला मिळे धन | पुत्रर्थ्यालामिळे पुत्र मोक्षर्थ्याला मिळे गति ||६||

जपतागणपति गणपतिस्तोत्र सहामासात हे फळ| एकवर्ष पूर्ण होता मिळे सिद्धि न संशय ||७||

नारदांनी रचिलेले झाले संपूर्ण स्तोत्र हे | श्रीधाराने मराठीत पठान्या अनुवादिले ||८||

गणपती स्तोत्र ( संस्कृत )

गणपती स्तोत्र ( संस्कृत )

प्रणम्य शिरसा देवं गौरीपुत्रं विनायकम् भक्तावासं स्मरेनित्यम आयुष्कामार्थ सिध्दये ॥१॥

प्रथमं वक्रतुण्डं च एकदन्तं द्वितीयकम् तृतीयं कृष्णपिङगाक्षं गजवक्त्रं चतुर्थकम ॥२॥

लम्बोदरं पञ्चमं च षष्ठं विकटमेव च सप्तमं विघ्नराजेन्द्रं धुम्रवर्णं तथाषष्टम ॥३॥

नवमं भालचंद्रं च दशमं तु विनायकम् एकादशं गणपतिं द्वादशं तु गजाननम ॥४॥

द्वादशेतानि नामानि त्रिसंध्यं य: पठेन्नर: न च विघ्नभयं तस्य सर्वसिध्दीकर प्रभो ॥५॥

विद्यार्थी लभते विद्यां धनार्थी लभते धनम् पुत्रार्थी लभते पुत्रान्मोक्षार्थी लभते गतिम ॥६॥

जपेद्गणपतिस्तोत्रं षडभिर्मासे फलं लभेत् संवत्सरेण सिध्दीं च लभते नात्र संशय: ॥७॥

अष्टभ्यो ब्राह्मणेभ्यश्च लिखित्वा य: समर्पयेत तस्य विद्या भवेत्सर्वा गणेशस्य प्रसादत: ॥८॥

इति श्रीनारदपुराणे संकटनाशनं नाम श्रीगणपतिस्तोत्रं संपूर्णम ||

ज्याने गुरु नाही केला त्याचा जन्म वाया गेला - गुरुपौर्णिमा

Add caption

  💮गुरुर्ब्रह्मा गुरुर्विष्णुः गुरुर्देवो महेश्वरः।

           गुरु साक्षात परंब्रह्म तस्मै श्रीगुरवे नमः।।💮

गुरुविण नाही दुजा आधार,

रडता पडता कोठे अडता तोच नेतसे पार 

गुरुविण नाही दुजा आधार

गुरु हा प्रत्येकाच्या जीवनातला अत्यंत महत्त्वाचा घटक आहे. कारण गुरु हा शिष्याला त्याच्या चुका शोधण्यात व त्या सुधारण्यात मदत करतो तसेच त्याच्या कठीण प्रसंगी त्याला आधार देतो. म्हणून ह्या गुरूचा सण आपण साजरा करतो तो म्हणजे गुरुपौर्णिमा.

आषाढ महिन्यातील पहिल्या पौर्णिमेला (जुलै - ऑगस्ट दरम्यान) गुरुपौर्णिमा म्हणून ओळखली जाते. या दिवशी गुरुची पूजा केली जाते. संपूर्ण भारतात हा सण मोठ्या श्रद्धेने आणि आनंदाने साजरा केला जातो. पूर्वीच्या काळी विद्यार्थी आश्रमात शिक्षण घेत असताना भावपूर्ण श्रद्धेने गुरुपूजा करून गुरुदक्षिणा देत असे. चारही वेदांवर पहिल्यांदा भाष्य करणाऱ्या व्यास ऋषींची आजच्या दिवशी पूजा करतात, कारण व्यास ऋषींनीच वेदांचे ज्ञान दिले . म्हणून गुरुपौर्णिमेला व्यास पौर्णिमा देखील म्हंटले जाते. 

भारतात अनेक शाळा, महाविद्यालय आणि संप्रदाय मध्ये गुरुपौर्णिमा मोठ्या उत्साहात आणि श्रद्धापूर्वक साजरी केली जाते. महर्षी व्यासांनी वेदांचे ज्ञान जगासमोर उघड केले. व्यासानं भारतीय संस्कृतीमध्ये आद्यगुरू समजले जाते. व्यासांनी महाभारत हा अलौकिक ग्रंथ लिहला आहे. तिथिनुसार यादिवशी महर्षी व्यासांचा जन्मदिवस पण असतो. म्हणून या दिवसाला एक अनन्य साधारण महत्त्व आहे. भारतात पूर्ण काळापासून गुरु शिष्य परंपरा आहे. पूर्वीच्या काळी शिष्य गुरुकडे आश्रमात राहत असे. त्याकाळी शिष्य स्वतःचे घर सोडून गुरुकुलात राहत असे. शिष्याला ज्ञान प्राप्त करण्यासाठी त्याच्या जीवनातील सुख सुविधांचा त्याग करावा लागतो. ज्ञान प्राप्ती नंतर गुरूला गुरुदक्षिणा देण्यासाठी गुरुपौर्णिमा हा दिवस साजरा केला जातो. आता मात्र गुरुकुल परंपरा फार कमी झाली आहे. तरीही शिष्य आपल्या गुरुकडे ज्ञान घेण्याची प्रथा आजही आहे. त्याचप्रमाणे जीवनातील चांगल्या अथवा कठीण प्रसंगी आजही आपल्या गुरुकडून मार्गदर्शन घेण्यासाठी शिष्य आपल्या गुरूंची भेट घेतात. 

गुरु हे ईश्वराचे रूप असून प्रत्यक्ष भगवंत गुरु रूपाने आपल्या जीवनाची सारथ्य करत असतात. गुरु म्हणजे मार्गदर्शक आणि पौर्णिमा म्हणजे प्रकाश गुरूकडून मिळालेल्या ज्ञानाने जीवन प्रकाशमय प्रत्येकाच्या आयुष्यात कोणतरी गुरु हा असतोच.या जगात कोणीच जन्मताच हुशार नसतो. योग्य अशा गुरुचे मार्गदर्शन, प्रशिक्षण प्राप्त करून हुशार होण्यातच खरी हुशारी आहे. सर्वांच्या आयुष्यतील प्रथम गुरु म्हणजे आपली आई असते. आई आपल्याला चालायला, बोलायला आणि जगायला शिकवते. जगातील प्राथमिक ज्ञान आपण आपल्या आई कडून घेतो. आई प्रमाणेच वडील आणि पुढे अनेक शिक्षक, मित्र, चांगली पुस्तके आपले गुरु असू शकतात. गुरुची महती आपल्या जीवनांत महत्वाची असते. म्हणून आपल्याला लहानपणीपासून 'आचार्य देवो भव ' असे शिकवले जाते.

 

आपल्या आयुष्यात आपण ज्या भगवंताला मानतो तो भगवंत म्हणजे देव हा देखील आपला गुरु असतो. आपला भगवंत आपली काळजी, आपले पालकत्व, आपल्या जीवनाचा कार्य वाह तेव्हाच घेतो जेव्हा आपण श्रद्धेने त्याच्या वर विश्वास ठेवतो, त्याची निःशंक मनाने  भक्ती करतो. ह्या दिवशी आपण आपल्या भगवंतांला गुरुदक्षिणा ही देऊ शकतो. 

तर प्रत्येकाने आयुष्यात एक तरी गुरु हा केलाच पाहिजे. कारण म्हटलंच आहे 'ज्याने गुरु नाही केला त्याचा जन्म वाया गेला' 

गुरुविण न मिळे ज्ञान, 

ज्ञानाविण न होई जगी सन्मान ... 

जीवन सागर ताराया,

• चला वंदू गुरुराया... जे जे आपणास ठावे,

ते दुसऱ्यास  देई, 

शहाणे  करून सोडी,

सकळ जना.. 

तोचि गुरु खरा,

आधी चरण त्याचे धरा ... 

💮💮गुरुपौर्णिमेच्या हार्दिक शुभेच्छा 💮💮